U s fa nòta ti cantèun

A sò la fióla ad Galinàun
a stagh vérs e’ Campanàun
alasò pr’aria, s’a l’ì vést,
magli éultmi coèsi ch’là piènt Crést.

Quant a séra una burdlaza,
oènc s’a n séra toènta blaza,
ch’u m’avnéss un azidént
a i avéva i pretendént.

Ma éun u n’ éra da paràz
cl’oèlt u n’éra un gran ragaz
se chi béll i nu m guardéva
ma chi brótt a n’i parléva.

Basta, scoèrtni sèt o òt,
a m sò tróva tot d’un bòt
ch’u s fa nòta ti cantéun
e u nu n pasa piò niséun.


Si fa notte  nei cantoni

Sono la figlia di Galinàun / abito verso il Campanone / lassù per aria, se lo avete visto / alle ultime case che ha piantato Cristo.
Ai miei tempi, da ragazza, / senza essere una bellezza,/ io vi giuro e possa morire/
ce li avevo i filarini.
Ma uno non era del ceto giusto / l’altro non era un grande fusto / se i belli poi non mi guardavano / a quelli brutti non parlavo io.
Basta, scartane sette o otto, / mi ritrovo tutt’a un botto / che negli angoli è ormai buio / e qui non ne passa più uno.

Giuliana Rocchi
la vóita d'una dòna
Maggioli Editore - Rimini, 1981

L’onica verità

L’ónica verità
ch’ò sintói tla mi vóita
l’è stoè al buseéi dl’òm
ch’a i ò vlu bén.


L’unica verità

L’unica verità / che ho udito in vita mia / son le bugie dell’uomo / che ho amato.

Giuliana Rocchi
la vóita d'una dòna
Maggioli Editore - Rimini, 1981